ಹೊಸನಗರದ ಕೊಡಚಾದ್ರಿ ಅಡಿಕೆ ಸೌಹಾರ್ದ ಸಹಕಾರ ಸಂಘ ದ ಮೇಲಿನ ಆರೋಪ ಸತ್ಯಕ್ಕೆ ದೂರವಾದದ್ದು

ಹೊಸನಗರ ಲೋಕಲ್

Posted on 29-11-2025 |

Share: Facebook | X | Whatsapp | Instagram

---

ಹೊಸನಗರದ ಕೊಡಚಾದ್ರಿ ಅಡಿಕೆ ಸೌಹಾರ್ದ ಸಹಕಾರ ಸಂಘ ದ ಮೇಲಿನ ಆರೋಪ ಸತ್ಯಕ್ಕೆ ದೂರವಾದದ್ದು 

ಹೊಸನಗರ ನ.29 ಇಲ್ಲಿನ ಕೊಡಚಾದ್ರಿ ಅಡಿಕೆ ಸೌಹಾರ್ದ ಸಹಕಾರಿ ಸಂಘವು ಗ್ರಾಹಕರಿಗೆ 30 ರಿಂದ 40 ಕೋಟಿ ರೂಪಾಯಿ ವಂಚನೆ ಮಾಡಿ ಮೋಸ ಎಸಗಿದೆ ಎಂದು ಮಾಡಿರುವ ಆರೋಪ ಸತ್ಯಕ್ಕೆ ದೂರವಾದದ್ದು ಎಂದು ಸಂಘದ ಅಧ್ಯಕ್ಷ ಹೆಚ್ಎಂ ರಾಘವೇಂದ್ರ ಹೇಳಿದ್ದಾರೆ. 

     ಅವರು ಇಂದು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ ನಮ್ಮ ಸಹಕಾರಿ ಸಂಘವು ರೈತರಿಗೆ ಬೇಕಿಲ್ಲದಿದ್ದರೂ ಕಡಿಮೆ ಬಡ್ಡಿ ದರದಲ್ಲಿ ಕೂಡಲೇ ಸಾಲವನ್ನು ನೀಡಿ ಅವರಿಂದ ಜಮೀನುಗಳ ದಾಖಲೆ ಪತ್ರಗಳನ್ನು ಪಡೆದು ಅದನ್ನು ಸಬ್ ರಿಜಿಸ್ಟರ್ ಕಚೇರಿಯಲ್ಲಿ ಸಂಘದ ಹೆಸರಿಗೆ ನೊಂದಣಿ ಮಾಡಿಸಿಕೊಂಡು ಅದನ್ನು ಬ್ಯಾಂಕ್ ನಲ್ಲಿ ಅಡವಿಟ್ಟು ಸಾಲವನ್ನು ಪಡೆಯುತ್ತೇವೆ ಎಂದು ಹೇಳಿರುವುದು ಸಂಪೂರ್ಣ ಸತ್ಯಕ್ಕೆ ದೂರವಾದ ವಿಷಯವಾಗಿದೆ ಇದುವರೆಗೆ  ಅಂತ ಒಂದು ಪ್ರಕರಣವೂ ಕೂಡ ನಡೆದಿಲ್ಲ. 

ಸಾಲದ ಭದ್ರತೆಗಾಗಿ ಸಹಿ ಮಾಡಿದ ಖಾಲಿ ಚೆಕ್ಕುಗಳನ್ನು ಕೂಡ ನಾವು ಪಡೆದುಕೊಳ್ಳುವುದಿಲ್ಲ. ಅರ್ಜಿಯನ್ನು ತೆಗೆದುಕೊಂಡು ನಮ್ಮ ಕಾರ್ಯಕಾರಿ ಸಮಿತಿಯ ಸಭೆಯಲ್ಲಿ ಇಟ್ಟು ಇವರಿಗೆ ಸಾಲ ನೀಡಬಹುದಾ ಎಂದು ಚರ್ಚಿಸಿ ಆನಂತರ ನಾವು ಸಮಿತಿಯಲ್ಲಿ ತೀರ್ಮಾನವಾದ ಮೇಲೆ ಮಾತ್ರ ಸಾಲವನ್ನು ಕೊಡುತ್ತೇವೆ. ಮತ್ತು ಅವರಿಗೆ ಮಂಜೂರಾದ ಹಣವನ್ನು ನೇರವಾಗಿ ರೈತರ ಕೈಗೆ ಕೊಡದೆ ಅವರ ಬ್ಯಾಂಕ್ ಖಾತೆಗಳಿಗೆ ಹಾಕುತ್ತೇವೆ. 

ತಾಲೂಕಿನ ಕುಂಬತ್ತಿಯ ಸರೋಜಮ್ಮ ಮತ್ತು ಹುಂಚ ಹೋಬಳಿ, ಕುಪ್ಪೂರು ಅಗಸರ ಮನೆ ಕೆಪಿ ಕುಮಾರ ಅವರ ಪ್ರಕರಣದಲ್ಲಿ ಸಾಲ ಮಂಜೂರಾಗಿ ಅವರ ಖಾತೆಗೆ ಹಣ ಹಾಕಲಾಗಿದೆ ಮತ್ತು ಈ ವಿಷಯಕ್ಕಾಗಿ ಜಾಮೀನ್ ಅನ್ನು ಸರ್ಕಾರಿ ನೌಕರರು ಮತ್ತು ಶಿಕ್ಷಕರಾಗಿರುವ ವ್ಯಕ್ತಿಗಳಿಂದ ಜಾಮೀನು ಪಡೆಯಲಾಗಿದೆ. ಆದರೂಗಳು ನಮ್ಮ ಸಂಘದ ವಿರುದ್ಧ ನ್ಯಾಯಾಲಯಕ್ಕೆ ದೂರು ನೀಡಿದಾಗ ನ್ಯಾಯಾಲಯ 2021 ರಲ್ಲಿ ತೀರ್ಪು ನೀಡಿದ್ದು ಈ ತೀರ್ಪು ನಮ್ಮ ಸಹಕಾರಿ ಸಂಘದ ಪರವಾಗಿ ಬಂದಿದೆ.ಎಂದರು.

ಆದ್ದರಿಂದ ಪತ್ರಿಕಾಗೋಷ್ಠಿಯಲ್ಲಿ ಸತ್ಯ ತಿಳಿಸುವುದೇನೆಂದರೆ ನಮ್ಮ ಗ್ರಾಹಕರು ನಮ್ಮ ಸಂಘಕ್ಕೆ ಬಂದು ಎಲ್ಲಾ ದಾಖಲೆಗಳನ್ನು ಪರಿಶೀಲಿಸಿ ಸಂಘ ಹೇಗೆ ನ್ಯಾಯವಾಗಿ ಸಾಲವನ್ನು ನೀಡುತ್ತದೆ ಎಂದು ಪರಿಶೀಲಿಸಬಹುದು. ಹಾಗಾಗಿ ಸತ್ಯಕ್ಕೆ ದೂರವಾದ  ಆರೋಪವನ್ನು ಸಾರ್ವಜನಿಕರು ನಂಬದೇ ನಿಜವಾದ ವಿಷಯವನ್ನು ಪರಿಶೀಲಿಸಿ ನಮ್ಮ ಸಹಕಾರಿ ಸಂಘದ ಜೊತೆ ಮೊದಲಿನಂತೆ ವ್ಯವಹಾರವನ್ನು ಮುಂದುವರಿಸಬೇಕೆಂದು ಕೋರಿದರು.

Go!